پاکستان
مولانا فضل الرحمان کی ا پنے کارکنان سے ملنے سے اجتناب کی وجہ سامنے آگئی؟
ملک میں حالیہ دہشت گردی کی وجہ سے جے یو آئی نے اپنے کارکنا ن کو مولانا سے ملنے کے لینے منع کیا ہے کہ وہ مولانا سے ملنے ڈی آئی خان نہ آئیں
پشاور(کھوج نیوز)ملک میں حالیہ دہشت گردی کے واقعات اور مذہبی رہنماؤں پر بڑھتے ہوئے حملوں کے پیش نظر، جمعیت علمائے اسلام پاکستان(جے یو آئی)نے اپنے کارکنان اور رہنماؤں کو ہدایت کی ہے کہ وہ عید الفطر کے موقع پر مولانا فضل الرحمان سے ملنے کے لیے ڈیرہ اسماعیل خان نہ آئیں۔
جے یو آئی کے ترجمان کی جانب سے پارٹی رہنماؤں اور کارکنان کے نام لکھے گئے خط میں کہا گیا ہے کہ سکیورٹی خدشات کے باعث اور امن و امان کے حوالے سے نازک صورتحال کے پیش نظر مولانا فضل الرحمان سے عید ملنے ڈیرہ اسماعیل خان آنے کی زحمت نہ کریں۔مولانا کے عید ملنے کے پروگرام منسوخ کر دیے گئے ہیں اور کارکنان و رہنما کسی بھی غیرضروری سفر سے اجتناب کریں۔
پارٹی قیادت نے زور دیا ہے کہ موجودہ حالات میں مذہبی شخصیات کو شدید خطرات لاحق ہیں، لہذا احتیاطی تدابیر اختیار کرنا ناگزیر ہو گیا ہے۔
