تیمور جھگڑا کیخلاف تحقیقات کا معاملہ، بڑا فیصلہ کرلیا گیا

خیبرپختونخوا (کھوج نیوز) خیبرپختونخوا کے سابق صوبائی وزیر تیمور جھگڑا کے خلاف تحقیقات کے حوالے سے پاکستان تحریک انصاف کی احتساب کمیٹی نے بڑا فیصلہ کرلیا گیا ہے۔

تفصیلات کے مطابق احتساب کمیٹی کے مطابق عمران خان سے اجازت ملتے ہی محکمہ خزانہ اور صحت میں مبینہ کرپشن اور بے قاعدگیوں کی تحقیقات کی جائیں گی۔ ذرائع کا کہنا ہے کہ تیمورجھگڑا کے سوشل میڈیا پر کانفیڈینشل دستاویزات شیئر کرنے پر کمیٹی میں سخت تشویش پائی جاتی ہے اور کمیٹی بانی پی ٹی آئی سے تیمور جھگڑا کے خلاف انضابطی کارروائی کی سفارش بھی کرے گی۔

ذرائع کے مطابق تیمورجھگڑا نے کمیٹی کے جواب پر واٹس ایپ گروپ میں شکریہ بھی ادا کیا۔ احتساب کمیٹی نے تیمورجھگڑا کو مبینہ کرپشن اور بے قاعدگیوں سے متعلق سوالنامہ بھیجاتھا جس میں پوچھا گیا تھاکہ بطور وزیرخزانہ آپ کے دور میں صوبہ کئی بار تقریبا دیوالیہ ہوا، پنشن اور گریجویٹی کی مد میں پڑے پیسوں میں سے 36 ارب روپے نکالے گئے اور محکمہ صحت سے جاری رقوم کی چھان بین محکمہ خزانہ سے نہیں کرائی گئی۔ ذرائع نے بتایاکہ تیمور سلیم جھگڑا نے سوالنامے کے جواب میں کمیٹی پرعدم اعتماد کااظہارکیاتھا، کمیٹی نے عدم اعتماد کے بعد تیمور جھگڑا کو تحقیقات روکنے اور بانی پی ٹی آئی کو آگاہ کرنے کا پیغام دیا۔