فلسطینیوں سے اظہار یکجہتی، تمام کاروباری مراکز بند

کراچی (کھوج نیوز) فلسطینیوں سے اظہار یکجہتی اور اسرائیلی جارحیت کے خلاف کراچی میں آج تمام کاروباری مراکز بند رہے اور مختلف مقامات پر احتجاجی ریلیاں اور نعرے بھی لگائے گئے۔

تفصیلات کے مطابق فلسطینیوں سے اظہار یکجہتی کے لیے تاجروں نے مختلف مقامات پر احتجاجی ریلیاں نکالیں، مظاہرین نے پلیکارڈ اٹھا رکھے تھے جن میں اسرائیل مخالف نعرے درج تھے۔ تاجروں نے مطالبہ کیا کہ اسرائیل دہشت گردانہ کارروائیاں بند کرے اور فلسطین کو آزاد کیا جائے۔ مظاہرین نے حکومت سے مطالبہ کیا کہ وہ فلسطین کے حق میں اور اسرائیل کے خلاف ہونیکا واضع اعلان کرے۔ مظاہرین نے اسرائیلی جارحیت کے خلاف اور فلسطینیوں کے حق میں نعرے لگائے۔ مظاہرین کا کہنا تھا کہ وہ فلسطینی بھائیوں کے خلاف جاری ظلم پر اپنے کاروبار بند رکھ کر آواز اٹھاتے رہیں گے۔