وزیر اعلی مریم نواز کو ترک خاتون اول کی خصوصی دعوت،تاریخی ملاقات کا امکان

لاہور(کھوج نیوز)تفصیلات کے مطابق وزیراعلی پنجاب مریم نوازشریف ترک خاتون اول کی خصوصی دعوت پر ترکیہ کا دورہ کریں گی ۔وزیراعلی مریم نواز چوتھی اناطولیہ ڈپلومیسی فورم کی تین روزہ تقریب میں شریک ہونگی ۔اس کے علاوہ ترکیہ کی خاتون اول ایمنہ اردوان نے وزیراعلی مریم نواز کوانا طولیہ ڈپلومیسی فورم سے خصوصی خطاب کی دعوت بھی دی ہے اور ترکیہ کی خاتون اول کی طرف سے وزیراعلی مریم نوازکے اعزاز میں خصوصی ثقافتی تقریب اناطولیہ بھی منعقد ہوگی۔

اس کے علاوہ وزیراعلی مریم نواز اناطولیہ کانفرنس کے دوران اے ڈی ایف لیڈرز پینلز میں شرکت کریں گی ۔وزیراعلی مریم نواز اے ڈی ایف ٹاکس اور اے ڈی ایف راؤنڈز کا بھی حصہ ہو نگی ۔وزیر اعلی منقسم دنیا میں مستقبل کی تشکیل او ر علم سے تبدیلی کی طاقت کے عنوان سے خصوصی خطاب بھی کریں گی۔