ٹیکسٹائل برآمدات میں اضافہ ہوا یا کمی؟ رپورٹ آگئی

اسلام آباد(کھوج نیوز) پاکستان کی ٹیکسٹائل برآمدات میں اضافہ ہوا یا کمی؟ اس حوالے سے رپورٹ سامنے آگئی ہے جس میں سامنے آنے والے اعدادو شمار دیکھ کر سب دنگ رہ گئے ہیں۔

تفصیلات کے مطابق جولائی 2024ط تامارچ 2025ط ٹیکسٹائل سیکٹرکی برآمدات میں 9.38 فیصد اضافہ ہوا ہے اور ٹیکسٹائل سیکٹرکی برآمدات اس وقت ساڑھے 13 ارب ڈالرز سے زائد ہوگئی ہیں جو کہ بلند ترین سطح ہے۔ وزیراعظم شہباز شریف نے ٹیکسٹائل سیکٹر کی برآمدات میں اضافے کا خیر مقدم کرتے ہوئے کہا ہے کہ ٹیکسٹائل سیکٹرکی برآمدات اس وقت13.613 ارب ڈالرکی بلند ترین سطح پر ہے جو انتہائی خوش آئند ہے۔

وزیراعظم نے کہا کہ ترقی کے سفر میں مزید تیزی کے لیے حکومتی ٹیم دن رات محنت کر رہی ہے، ہم نجی شعبے کو کاروبار دوست ماحول فراہم کرنے کے لیے کوشاں ہیں، ملکی برآمدات میں مستقل اضافہ ممکن بنایا جائیگا۔ وزیراعظم کا کہنا تھا کہ ٹیکسٹائل سیکٹرکی برآمدات میں اضافہ معیشت کی ترقی اور حکومتی پالیسیوں کی درست سمت کا مظہر ہے، برآمدات میں اضافہ اور مثبت معاشی اعشاریے حکومت اور نجی شعبے کی بدولت ممکن ہوئے۔