پاکستان
جناح سکوائر انٹرچینج کی افتتاحی تقریب، شہباز شریف کا محسن نقوی کے متعلق بڑا بیان
اتنے کم وقت میں ایسا منصوبہ مکمل کرنا آسان کام نہیں تھا، وہ وقت دور نہیں جب محسن نقوی ایسے منصوبے ایک دن میں مکمل کریں گے: شہباز شریف
اسلام آباد(کھوج نیوز) اسلام آباد میں جناح سکوائر انٹر چینج منصوبے کی افتتاحی تقریب کے دوران وزیراعظم میاں شہبازشریف نے وزیر داخلہ محسن نقوی کے متعلق بڑا بیان داغ دیا ۔
تفصیلات کے مطابق وزیراعظم میاں شہباز شریف نے اسلام آباد میں جناح اسکوائر انٹرچینج منصوبے کا افتتاح کردیا۔ انہوں نے اسلام آباد کے انٹرچینج کی تعمیر35 دن میں مکمل کرنے پر وزیرداخلہ محسن نقوی اور ان کی ٹیم کی تعریف کی۔ وزیراعظم نے مزید کہا کہ10 مئی کو پاکستانی قوم نے اپنے اتحا دو اتفاق سے دشمن کو تاریخی شکست دی جسے وہ قیامت تک یاد رکھے گا۔ شہباز شریف نے کہا کہ اتنے کم وقت میں ایسا منصوبہ مکمل کرنا آسان کام نہیں تھا، وہ وقت دور نہیں جب محسن نقوی ایسے منصوبے ایک دن میں مکمل کریں گے۔
