امریکا سے معاہدے کے بعد پاکستانیوں کو کونسی خوشخبری ملی؟

اسلام آباد(کھوج نیوز) امریکا سے معاہدے کے بعد پاکستانیوں کو کونسی خوشخبری ملی؟ اس حوالے سے وزیر مملکت برائے خزانہ بلال اظہر کیانی نے قومی اسمبلی میں سچائی سب کے سامنے رکھ دی۔

تفصیلا ت کے مطابق وزیر مملکت بلال اظہر کیانی نے قومی اسمبلی میں اظہار خیال کرتے ہوئے کہا ہے کہ جب سائفر لہرائے جا رہے تھے تو کوئی امریکا سے ایسی ڈیل کی توقع نہیں کر رہا تھا، اپوزیشن بھی داد دے گی کہ تمام تر کوششوں کے باوجود امریکا سے تجارتی تعلقات بہتر ہوئے۔ انہوں نے کہا کہ اپوزیشن چاہتی تھی امریکا سے تعلقات خراب ہوں اور ملک ڈیفالٹ کرے، امریکا سے تعلقات وزیراعظم کی کوششوں کے سبب بہتر ہوئے۔

بلال اظہرکیانی نے بتایا کہ حکومت چاہتی ہے کہ انرجی ٹیرف کو کم کیا جائے، انرجی سے متعلق پالیسی آنے والی ہے، امید ہے حکومتی اقدامات کیسبب برآمدی اشیا کی قیمتیں کم ہوں گی۔ ان کا کہنا تھا کہ آرمی چیف فیلڈ مارشل عاصم منیر کی امریکی صدر سے امریکا میں ملاقات ہوئی، نائب وزیراعظم اسحاق ڈار کی بھی امریکی حکام سے ملاقاتیں ہوئیں، امریکاسے ٹریڈ ڈیل حکومتی عہدیداروں کی کوششوں کا نتیجہ ہے۔