پشاور (کھوج نیوز) ایف سی ہیڈ کواٹرر حملے کی تحقیقات میں آئی جی خیبرپختونخوا (کے پی کے ) ذوالفقار حمید نے بڑا راز فاش کر کے دہشتگردوں کے خلاف سخت ایکشن لینے کا فیصلہ کرلیا ہے۔
تفصیلات کے مطابق آئی جی کے پی کے ذوالفقار حمید کا کہنا تھا کہ گزشتہ روز ایف سی ہیڈکوارٹر پرحملہ کرنے 3 دہشتگرد آئے تھے جن کی تصاویرمل چکی ہیں جب کہ حملہ آوروں کے فنگر پرنٹس نادرا کو بھیج دیے ہیں۔ آئی جی ذوالفقارحمید نے بتایا کہ تحقیقات میں کافی پیش رفت ہوچکی ہے، ابھی تک کی تفتیش سے لگ رہا ہیکہ تینوں دہشتگرد افغان شہری ہیں، کافی پیچھے تک شدت پسندوں کو ٹریک کرلیا ہے، پتا لگا رہے ہیں کہ دہشتگرد کس راستیسے پشاور میں داخل ہوئے۔
آئی جی کے پی کا کہنا تھا کہ دہشتگردوں کے آنے کی سی سی ٹی فوٹیج حاصل کرلی گئی ہے اور دہشتگردوں کی شناخت کیلیے نادرا نیکام شروع کردیا ہے۔ ذوالفقارحمید نے کہا کہ خیبرپختونخوا پولیس کو اسلحہ اور دیگر ضروریات فراہم کررہے ہیں، پولیس کو اینٹی ڈرون سمیت جدید ٹیکنالوجی فراہم کی جارہی ہے، تھانے سے لیکرافسران لیول تک بلٹ پروف گاڑیاں کی فراہمی پرکام کررہے ہیں۔ انہوں نے مزید کہا کہ دہشتگردوں نیجہاں رات گزاری اس کی شناخت کرلی گئی ہے، دہشتگردوں کے زیراستعمال موٹرسائیکل کو تحویل میں لے لیا گیا اور وہاں سے بھی فنگرپرنٹس حاصل کرلیے گئے ہیں تاہم ابھی تک کسی سہولت کار کو حراست میں نہیں لیا۔
