فضا علی کی شادی کی خبریں‘ اداکارہ کا حیران کن جواب

لاہور(شوبزڈیسک) اداکارہ و ماڈل فضا علی نے اپنی شادی کی افواہیں پھیلانے والوں کو ایسی سنائی ہیں کہ اپنا سا منہ لے کر رہ گئے ہیں بل کہ اپنا منہ چھپاتے پھر رہے ہیں۔ہوا کچھ یوں کہ اداکارہ اور ماڈل فضا علی کی شادی کے بارے میں سوشل میڈیا پر جھوٹی خبریں پھیلا ئی گئیں۔جن پر اداکارہ غصہ ہو گئیں انہوں نے جھوٹی خبریں پھیلانے والے یوٹیوبرز، بلاگرز اور چینلز سے ناراضی کا اظہار کرتے ہوئے کہا کہ وہ ان کی نہیں بلکہ اپنی بہنوں کی شادی کی فکر کریں۔

فضا علی کا مزید کہنا تھا کہ میں کام کے سلسلے میں لندن یا نیویارک جاؤں تو میری شادی کی جھوٹی خبر یں پھیلا دی جاتی ہیں۔ کیا میں جہاں کام یا گھومنے کے لیے جاؤں وہاں جا کر شادی کرلیتی ہوں۔ میری شادی کی جھوٹی خبریں پھیلانے والوں نے شاید میرا جہیز بھی جمع کر لیا ہوگا۔اداکارہ نے کہا کہ جھوٹی اور من گھڑت خبریں پھیلانے والوں کو سمجھنا چاہئیے کہ ایسی افواہوں اور خبروں پر دل دکھتا ہے اور پریشانی ہوتی ہے۔