سلمان خان نے ایشوریا کو 17ویں منزل سے کودنے کی دھمکی کیو ں دی تھی؟

ممبئی( شوبز نیوز )بالی وڈ سٹارسلمان خان اور ایشوریا کے افیئرز کا دور کئی متنازع خبروں میں گھرا رہا۔ اسی دوران سلمان خان ایک جھگڑے میں ایشوریا کو عمارت کی 17ویں منزل سے کودنے کی دھمکی تک دے چکے ہیں۔

میڈیا رپورٹ میں بتایا گیا ہے کہ 2001 میں ایشوریا اور سلمان خان کے درمیان ایک خوفناک لڑائی دیکھی گئی، اس لڑائی کی شروعات ایشوریا کی جانب سے سلمان کو اپنے گھر میں داخل نہ ہونے کے بعد ہوئی تھی۔ سلمان خان ایشوریا کے دروازے پر دستک دے رہے تھے لیکن ایشوریا دروازہ نہیں کھول رہی تھیں، دروازہ نہ کھولنے پر سلمان نے ایشوریا کو 17 ویں منزل سے کود جانے کی دھمکی دی تاہم نوبت یہاں تک پہنچنے سے قبل ہی لڑائی ختم ہوگئی اور اداکارہ نے سلمان خان کو رات کے 3 بجے اپنے گھر میں داخل ہونے کی اجازت دے دی، یہ ایک ایسا واقعہ تھا جس کے آنکھوں دیکھے گواہ کئی لوگ تھے۔

اس واقعے کے بعد سلمان خان نے بھارتی میڈیا کو دیے گئے انٹرویو میں اعتراف کرتے ہوئے کہا تھا کہاان خبروں میں سچائی ہے لیکن باتوں کو بڑھا چڑھا کر پیش کیا گیا، میرے نزدیک اگر کسی رشتے میں لڑائی جھگڑا نہ ہو تو اس میں محبت نہیں ہوتی۔سلمان خان نے مزید کہا تھا کہایشوریاکا مجھ سے رشتہ ہے لیکن اگر ہم نہیں لڑتے تو ہم میں محبت نہیں ہے۔