کیا شاہ رخ خان کی اہلیہ گوری خان مسلمان ہو چکی ہیں؟ مداح حیران

ممبئی(شوبز ڈیسک )بالی ووڈ کے بادشاہ شاہ رخ خان اور ان کی اہلیہ گوری خان کا شمار انڈسٹری کے سب سے مقبول اور پسندیدہ جوڑوں میں ہوتا ہے۔ 1991 میں شادی کے بندھن میں بندھنے کے بعد سے ان کا رشتہ محبت، ایک دوسرے کیلئے احترام کی بنیاد پر قائم ہے۔ ان دونوں کا تعلق مختلف مذاہب سے ہے ۔ شاہ رخ خان مسلمان ہیں جبکہ گوری ہندو ہیں لیکن ان کے مذہبی اختلافات کبھی ان کی ذاتی زندگی پر اثرانداز نہیں ہوئے۔

شاہ رخ اور گوری اپنے بچوں کو دونوں مذاہب کی تعلیمات اور روایات سیکھائی ہیں تاہم اب سوشل میڈیا پر گوری خان، شاہ رخ اور ان کے بیٹے آریان کی ایک ایسی تصویر سامنے آئی ہے جس نے ایک نئی بحث چھیڑ دی ہے۔ اس تصویر میں شاہ رخ خان اور گوری خان کو مکہ مکرمہ میں خانہ کعبہ کے سامنے دیکھا جا سکتا ہے جبکہ ان کے ساتھ آریان خان بھی موجود ہیں۔

ان تصاویر کو دیکھ کر کچھ صارفین نے دعوی کیا کہ شاہ رخ نے گوری کو اسلام قبول کرنے پر مجبور کیا ہے اور اب گوری خان مسلمان ہوچکی ہیں۔ تا ہم دونوں کی جانب سے ان تبصروں پر کوئی جواب سامنے نہیں آیا۔