سوشل ایشوز
حکومت نے پنڈی اور اسلام آباد میں 3 روزہ عام تعطیل کا اعلان کیوں کیا ؟
عام تعطیل کا اعلان ایس سی او کانفرنس کے تناظر میں کیا گیا، پیر 14 اکتوبر،منگل15 اور بدھ 16 اکتوبر کو عام تعطیل ہوگی ، نوٹیفکیشن جاری
اسلام آباد(کھوج نیوز) وفاقی حکومت نے شنگھائی تعاون تنظیم (ایس سی او) کو مد نظر رکھتے ہوئے راولپنڈی اور اسلام آباد میں 3 دن عام تعطیل کا اعلان کرتے ہوئے نوٹیفکیشن بھی جاری کر دیا ہے۔
تفصیلات کے مطابق وفاقی حکومت نے چھٹیوں کا نوٹیفکیشن جاری کردیا۔ نوٹیفکیشن کے مطابق پیر 14 اکتوبر،منگل15 اور بدھ 16 اکتوبر کو عام تعطیل ہوگی۔ نوٹیفکیشن میں کہا گیا ہے کہ عام تعطیل کا اعلان ایس سی او کانفرنس کے تناظر میں کیا گیا۔ خیال رہے کہ شنگھائی تعاون تنظیم (ایس سی او) کا سربراہی اجلاس 15 اور 16 اکتوبر کو اسلام آباد میں ہوگا۔
