پی ٹی آئی دور میں سالڈ ویسٹ مینجمنٹ کیلئے خریدی گئی گاڑیوں میں کروڑوں کی بے ضابطگیوں کا انکشاف

لاہور(کھوج نیوز) پنجاب میں پاکستان تحریک انصاف کے دور حکومت میں سالڈ ویسٹ مینجمنٹ کیلئے سینکڑوں خریدی گئی گاڑیوں میں کروڑوں روپے کی بے ضابطگیوں کا انکشاف ہوا ہے۔

تفصیلات کے مطابق پنجاب اسمبلی کی پبلک اکاؤنٹس کمیٹی کی رپورٹ میں بتایا گیا ہے کہ پنجاب میں سالڈ ویسٹ مینجمنٹ کیلئے 310گاڑیاں خلاف ضابطہ خریدی گئیں اور گاڑیاں منظوری کے بغیر 2 ارب 12 کروڑ 30 لاکھ روپے لاگت سے خریدی گئیں۔ رپورٹ میں کہا گیا ہے کہ گاڑیوں کی خریداری کیلئے بورڈ آف ڈائریکٹرز سے بھی منظوری نہیں لی گئی اور گاڑیوں کی خریداری کیلئے پیپرا رولز نظر انداز کر کے پیشگی رقم ادا کی گئی۔