ریپ یا شادی کے بغیر بچوں کی پیدائش، ہائیکورٹ نے بڑا حکمنامہ جاری کر دیا

لاہور(کھوج نیوز) ریپ یا شادی کے بغیر بچوں کی پیدائش کے بعد ان کی کفالت کے حوالے سے لاہور ہائیکورٹ نے بڑا حکمنامہ جاری کر دیا ہے جس کے بعد سب حیران و پریشان رہ گئے ہیں۔

تفصیلات کے مطابق لاہورہائیکورٹ کے جسٹس احمد ندیم ارشد نے ٹرائل کورٹ کے فیصلے کے خلاف شہری محمد افضل کی درخواست پر تحریری حکم جاری کیا ۔ عدالت نے قراردیا کہ جوبچی کے پیداہونے کا ذمہ دار ہے وہی اس کے اخراجات کا بھی ذمہ دار ہے۔ عدالت کے فیصلے کے مطابق بائیولوجیکل والدکی اخلاقی ذمہ داری بھی ہے کہ وہ اپنے ناجائزبچے کی ذمہ داری اٹھائے۔ ہائیکورٹ نے پانچ سالہ کے خرچے سے متعلق کیس دوبارہ ٹرائل کورٹ کو ریمانڈ کردیا اور ہدایت کی کہ ٹرائل کورٹ شواہد کی روشنی میں دوبارہ فیصلہ کرے۔

عدالت نے تمام فریقین کو بھی ٹرائل کورٹ کیروبروپیش کرنے کی ہدایت کی۔ فیصلے میں کہا گیا ہے کہ ریکارڈکے مطابق 2020 میں درخواست گزار نے خاتون مریم سے مبینہ زیادتی کی، درخواست گزار کے خلاف زیادتی کی دفعات کے تحت مقدمہ درج کیا گیا۔ مبینہ زیادتی کے نتیجے میں خاتون نے بیٹی کو جنم دیا اور بچی کے خرچے کیلئے بائیولوجیکل والد کے خلاف دعوی دائرکیا، ٹرائل کورٹ نے خاتون کا دعوی تسلیم کرتے ہوئے بچی کا 3 ہزارخرچہ مقرر کیا تھا۔ درخواست گزار محمد افضل نے ٹرائل کورٹ کے فیصلے کیخلاف ہائیکورٹ سے رجوع کیا تھا۔