پولیس افسران و اہلکاروں کی حوصلہ افزائی کیلئے تقریب کا انعقاد

لاہور(کھوج نیوز) سینٹرل پولیس آفس میں جرائم کی بیخ کنی کے لئے بہترین کارکردگی کا مظاہرہ کرنے والے پولس افسران و اہلکاروں کی حوصلہ افزائی کے لئے تقریب کا انعقاد کیا گیا ہے۔

تفصیلات کے مطابق آئی جی پنجاب ڈاکٹر عثمان انور نے مزید 172 افسران و اہلکاروں کو 34 لاکھ 40 ہزار روپے کے کیش انعامات، تعریفی اسناد سے نوازا۔ ترجمان پنجاب پولیس کے مطابق انعامات حاصل کرنے والوں میں 1 انسپکٹرز، 3 سب انسپکٹرز، 9 اے ایس آئیز شامل ہیں ۔ 30 ہیڈ کانسٹیبلز اور 129 کانسٹیبلز کو بھی کیش انعامات و تعریفی اسناد سے نوازا گیا۔ آئی جی پنجاب نے کہا کہ افسران و اہلکاروں نے لا اینڈ آرڈر کے قیام، شہریوں کے جان و مال کے تحفظ کیلئے احسن طریقے سے فرائض انجام دئیے، خدمت خلق کے جذبے سے سرشار فرض شناس، باہمت افسران و اہلکار پنجاب پولیس کا اثاثہ ہیں۔