پی ایس ایل 8، اسلام آباد یونائٹیڈ نے کوئٹہ گلیڈی ایٹر ز کو 63 رنز سے پچھاڑ دیا
پی ایس ایل کے تیرہویں میچ میں اسلام آباد یونائٹیڈ کے 220 رنز ہدف کے تعاقب میں کوئٹہ گلیڈی ایٹرز کی ٹیم صرف 157 رنز ہی بنا سکی
اسلام آباد یونائیٹڈ نے پاکستان سپر لیگ (پی ایس ایل)سیزی 8 کے تیرہویں میچ میں کوئٹہ گلیڈی ایٹرز کو یکطرفہ مقابلے کے بعد 63 رنز سے پچھاڑ دیا
تفصیلات کے مطابق کراچی(مانیٹرنگ ڈیسک) کراچی کے نیشنل بینک ارینا میں کھیلے گئے میچ میں اسلام آباد یونائیٹڈ نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 220 رنز اسکور کیے، 221 رنز کے ہدف کے تعاقب میں کوئٹہ گلیڈی ایٹرز کی ٹیم 157 رنز بنا کر آٹ ہو گئی۔ اسلام آباد کی جانب سے کولن منرو 38 رنزبنا کر آٹ ہوئے جبکہ کپتان شاداب خان 12 رنز ہی بنا سکے لیکن اس کے بعد اعظم خان اور آصف علی نے کوئٹہ کے بولرز کے خلاف چوکے چھکوں کی برسات کر دی۔ آصف علی 24 گیندوں پر 4 چھکوں کی مدد سے 42 رنز بنا کر آٹ ہوئے جبکہ اعظم خان نے 42 گیندوں پر 8 چھکوں اور 9 چوکوں کی مدد سے 97 رنز کی اننگز کھیلی اور وہ میچ کی آخری گیند پر بولڈ ہو کر نروس نائنٹیز کا شکار ہو گئے۔ کوئٹہ گلیڈی ایٹرز کے ایمل خان اور محمد حسنین مہنگے بولرز ثابت ہوئے اور دونوں نے بالترتیب 55 اور 52 رنز دیے۔
قبل ازیں اسلام آباد کے کپتان شاداب خان نے ٹاس جیت کر پہلے بیٹنگ کا فیصلہ کیا۔ شاداب خان کا کہنا تھا ٹیم میں دو تبدیلیاں کی گئی ہیں، فضل الحق فاروقی اپنا پہلا میچ کھیل رہے ہیں جبکہ ابرار احمد کو بھی ٹیم کا حصہ بنایا گیا ہے۔ اسلام آباد یونائیٹڈ کی ٹیم اب تک ٹورنامنٹ میں 3 میچز کھیل چکی ہے جس میں سے 2 میں اسے کامیابی ملی جبکہ ایک میں شکست کا سامنا کرنا پڑا۔ کوئٹہ گلیڈی ایٹرز کی ٹیم کو چار میچ میں سے صرف ایک میں ہی کامیابی مل سکی ہے جبکہ تین میں اسے شکست ہوئی۔
واٹس ایپ نے اپنے صارفین کیلئے ایک اور حیران کن فیچر متعارف کروا دیا
