گلوبل سپر لیگ، ڈیرن گوف لاہور قلندرز کے ہیڈ کوچ مقرر

گیانا (سپورٹس ڈیسک) گیانا میں ہونے والے گلوبل سپر لیگ (جی ایس ایل) کے لئے لاہور قلندرز نے ڈیرن گوف کا اپنا ہیڈ کوچ مقرر کر دیا ہے ، ڈیرن گوف 23نومبر سے سکواڈ جوائن کریں گے۔

تفصیلات کے مطابق گلوبل سپر لیگ کا آغاز گیانا میں26 نومبر سے ہو گا اور ڈیرن گوف 23 نومبر کو اسکواڈ کو جوائن کریں گے۔ ڈیرن گوف کی تقرری پر لاہور قلندرز کی انتظامیہ نے کہا ہے کہ انگلینڈ کے سابق فاسٹ بائولر اور سابق ایم ڈی یارکشائر کانٹی ڈیرن گوف کا ہیڈ کوچ کے طور پر تقرر کرکے خوش ہیں، ڈیرن گوف گلوبل سپر لیگ میں اپنی ذمہ داریوں کا آغاز کریں گے۔ دوسری جانب ڈیرن گوف نے لاہور قلندر کے ہیڈ کوچ بننے پر کہا کہ قلندرز کے ساتھ جڑنا اور کام کرنا اعزاز کی بات ہے، میں لاہور میں پلیئرز ڈیولپمنٹ پروگرام کے دوران معاونت کرچکا ہوں اور مستقبل میں بھی لاہور قلندرز کے ساتھ کام کرنے کا منتظر ہوں۔ علاوہ ازیں لاہور قلندرز کے ثمین رانا کا کہنا تھا کہ قلندرز پرجوش انداز میں ڈیرن گوف کو خوش آمدید کہتی ہے، ان کے تجربے سے ہماری بنیاد کو مزید مضبوط بنانے میں مدد ملے گی۔