آئی پی ایل 2025ء ، ویرات کوہلی، روہت شرما اور ہاردک پانڈیا کتنے کروڑ میں ریٹین ہوئے؟

ممبئی (سپورٹس ڈیسک) انڈین پریمیئر لیگ (آئی پی ایل) کا میگا ایونٹ تو اگلے برس مارچ میں شروع ہونا ہے ، ویرات کوہلی، روہت شرما اور ہاردک پانڈیا کتنے کروڑ میں ریٹین ہوئے؟ پتا چل گیا ۔

تفصیلات کے مطابق آئی پی ایل 2025ء کے کھلاڑیوں کیلئے کی جانیوالی بڑی نیلامی رواں ماہ یا اگلے ماہ دسمبر تک متوقع ہے لیکن گزشتہ روز آئی پی ایل کی تمام فرنچائزز نے اپنے برقرار (retained) رکھے جانیوالے کھلاڑیوں کی فہرست جاری کردی ہے۔ 10 فرنچائزز کی برقرار رکھے جانے والے کھلاڑیوں کی فہرست میں بھارت کے اسٹار کرکٹر ویرات کوہلی، روہت شرما اور ہاردک پانڈیا کا نام بھی شامل ہیں۔

میڈیا نے دعویٰ ہے کہ آئی پی ایل کی فرنچائز ممبئی انڈینز نے ہاردک پانڈیا کو ٹیم میں برقرار رکھنے کیلئے 16 کروڑ 35 لاکھ روپے اور روہت شرما کو برقرار رکھنے کیلئے 16 کروڑ 30 لاکھ روپے خرچ کرے گی جب کہ ممبئی انڈینز کے کپتان اس بار بھی ہاردک پانڈیا ہی ہوں گے۔ دوسری جانب آئی پی ایل کی فرنچائز رائل چیلنجرز بنگلور (RCB) کے برقرار رکھے جانے کھلاڑیوں کی فہرست میں اسٹار کرکٹر ویرات کوہلی شامل ہیں جن کیلئے فرنچائز 21کروڑ روپے کی خطیر رقم خرچ کرے گی۔