آسٹریلیا کےخلاف ٹی20 سیریز,پاکستان کی کرکٹ ٹیم برسبین پہنچ گئی
آسٹریلیا اور پاکستان کی کرکٹ ٹیموں کے درمیان 3 ٹی20 انٹرنیشنل میچوں پر مشتمل سیریز کا پہلا میچ 14 نومبر (جمعرات) کو دی گابا، برسبین میں کھیلا جائے گا
برسبین(سپورٹس ڈیسک)پاکستان کی کرکٹ ٹیم آسٹریلیا کے خلاف ٹی20 سیریز کھیلنے کے لیے برسبین پہنچ گئی ہے۔آسٹریلیا اور پاکستان کی کرکٹ ٹیموں کے درمیان 3 ٹی20 انٹرنیشنل میچوں پر مشتمل سیریز کا پہلا میچ 14 نومبر (جمعرات) کو دی گابا، برسبین میں کھیلا جائے گا۔ ٹی20 سیریز میں پاکستان ٹیم کی قیادت مایہ ناز وکٹ کیپر بلے باز محمد رضوان کریں گے جبکہ میزبان آسٹریلوی ٹیم کو جوش انگلس لیڈ کریں گے۔ پاکستان کی کرکٹ ٹیم ان دنوں دورہ آسٹریلیا پر ہے جہاں وہ میزبان ٹیم کے خلاف 3 ون ڈے میچوں کی سیریز کھیل چکی ہے جس میں گرین شرٹس نے کینگروز کو 1-2 سے شکست دی تھی۔
پاکستان نے 22 سال بعد آسٹریلیا کو اس کے ہوم گرانڈ پر ون ڈے سیریز میں شکست دی۔ آسٹریلیا نیپاکستان کو پہلے ون ڈے میچ میں 2 وکٹوں سے شکست دی تھی، جس کے بعد پاکستان نے دوسرے ون ڈے میچ میں آسٹریلیا کو 9 وکٹوں سے شکست دے کر سیریز 1-1 سے برابر کر دی اور پھر تیسرے ون ڈے میچ میں 8 وکٹوں سے ہر اکر سیریز 1-2 سے اپنے نام کرلی۔
پاکستان کی ٹیم نے ون ڈے سیریز کے علاوہ 3 ٹی20 بین الاقوامی میچوں کی سیریز بھی کھیلنی ہے جس کا پہلا میچ 14 نومبر کو کھیلا جائے گا۔ دوسرا ٹی20 میچ 16 نومبر کو سڈنی کرکٹ گرانڈ جبکہ تیسرا اور آخری ٹی20 میچ 18 نومبر کو بیلریو اوول ہوبارٹ میں کھیلا جائے گا۔ ٹی ٹونٹی سیریز کے تینوں میچز نائٹ ہوں گے اور فلڈ لائٹس کی روشنی میں کھیلے جائیں گے۔
