سنچورین ٹیسٹ، جنوبی افریقن بائولروں نے پاکستانی بیٹنگ لائن کے پرخچے اڑا کر رکھ دیئے

سنچورین(سپورٹس ڈیسک) پاکستان اور جنوبی افریقہ کے درمیان دو ٹیسٹ میچوں کی سیریز کے سلسلے میں پہلا میچ سنچورین کے سپر اسپورٹس پارک میں کھیلا جارہا ہے جو باکسنگ ڈے ٹیسٹ میچ ہے، جس میں جنوبی افریقہ نے ٹاس جیت کر فیلڈنگ کا فیصلہ کیاتھا ۔

تفصیلات کے مطابق جنوبی افریقہ کے خلاف پاکستان کی بیٹنگ لائن فیل ہوگئی اور پوری ٹیم 211 رنز بنا کرآؤٹ ہوگئی۔ قومی ٹیم کے اوپنر کپتان شان مسعود 17، صائم ایوب 14، بابر اعظم 4 اور سعود شکیل 14 رنز بناکر آؤٹ ہوئے۔ ان کے علاوہ کامران غلام 54 اورمحمد رضوان 27 رنز بناکر آؤٹ ہوگئے۔ سلمان آغا 18 رنز بناسکے، عامر جمال نے 28 رنز کی اننگز کھیلی، خرم شہزاد 11 رنز بنا کرپویلین لوٹ گئے۔ جنوبی افریقہ کی جانب سے آج ٹیسٹ میں ڈیبیو کرنے والیکاربون بوش نے 4 وکٹیں حاصل کیں۔