آسٹریلیا کے ہاتھوں بھارت کو شرمناک شکست

میلبرن ( سپورٹس ڈیسک )میلبرن ٹیسٹ میں بھارت کو شرمناک شکست، آسٹریلیا نے بھارت کو 184 رنز سے شکست دے دی۔اس ٹیسٹ میچ میں جیتنے کے بعد آسٹریلیا کو بارڈرگواسکر ٹرافی میں پانچ میچز کی سیریز میں 1-2کی برتری حاصل ہوگئی ہے۔

بھارت کی پوری ٹیم 340رنز کے تعاقب میں 155رنز پر ڈھیر ہوگئی، بھارت کی جانب سے یشاسوی جیسوال 84 اور رشبھ پنت 30 رنز بنا کر نمایاں رہے۔ باقی کوئی کھلاڑی خاطر خواہ کارکردگی نہ دکھا سکا۔میلبرن ٹیسٹ میں آسٹریلیا نے پہلی اننگز میں 474 رنز بنائے، جس کے جواب میں بھارت پہلی اننگز میں 369 رنز بنا سکی۔ دوسری اننگز میں بھارت نے 234 کے اسکور پر آسٹریلیا کو قابو کر لیا۔جس پر بھارت کو 340 رنز کا ہدف ملا لیکن بھارتی ٹیم آسٹریلوی بالرز کے سامنے بے بس نظر آئی اور پوری ٹیم 155 رنز پر آٹ ہو کر پویلین لوٹ گئی۔

آسٹریلیا کی جانب سے پیٹ کمنز اور سکاٹ بولینڈ نے تین، تین کھلاڑیوں کو آئوٹ کیا، نیتھن لیون نے دو جبکہ مچل اسٹارک اور ٹریوس ایک ایک کھلاڑی کو آئوٹ کیا۔