چیمپیئنز ٹرافی کے لیے پاکستان کرکٹ ٹیم کا اعلان کر دیا گیا

لاہور(سپورٹس ڈیسک ) پاکستان کرکٹ بورڈ (پی سی بی )نے 19 فروری سے 9 مارچ تک پاکستان میں ہونے والی آئی سی سی چیمپیئنز ٹرافی 2025 کے لیے 15 رکنی اسکواڈ کا اعلان کردیا، جس میں فخر زمان اور صائم ایوب کی واپسی ہوئی ہے۔اس کے علاوہ پاکستان کرکٹ بورڈ کے پاس اسکواڈ میں کوئی تبدیلی کرنے کے لیے 11 فروری تک کا وقت ہے۔ اس کے بعد، متبادل کھلاڑیوں کو صرف طبی بنیادوں پر ہی ٹیم میں شمولیت کی اجازت دی جائے گی، جو آئی سی سی ایونٹ ٹیکنیکل کمیٹی کی منظوری سے مشروط ہوگی۔

سلیکشن کمیٹی کی جانب سے اعلان کیا گیا ہے کہ یہی اسکواڈ آئی سی سی چیمپیئنز ٹرافی 2025 سے قبل لاہور اور کراچی میں نیوزی لینڈ اور جنوبی افریقہ کے خلاف سہ ملکی ون ڈے سیریز میں بھی حصہ لے گا۔

پاکستان کا 15 رکنی اسکواڈ:
بلے باز:بابر اعظم، فخر زمان، کامران غلام، سعود شکیل، طیب طاہر

آل راؤنڈرز: فہیم اشرف، خوشدل شاہ، سلمان علی آغا (نائب کپتان)

وکٹ کیپر بلے باز: محمد رضوان (کپتان)، عثمان خان

اسپنر: ابرار احمد

فاسٹ بولرز: حارث رف، محمد حسنین، نسیم شاہ، شاہین شاہ آفریدی شامل ہیں۔