کھیل
افغانستان اور ابوظہبی کے درمیان کونسا معاہدہ طے پایا؟
افغانستان کرکٹ بورڈ (اے سی بی) نے ابوظہبی کو اپنا ہوم وینیو بنالیا' 2025ء سے2029ء تک افغانستان کرکٹ ٹیم کے کیمپس اور ہوم میچز ابوظہبی میں ہوں گے
ابوظہبی (سپورٹس ڈیسک) افغانستان اور ابوظہبی کے درمیان کونسا معاہدہ طے پایا ہے؟ اس حوالے سے تمام تر تفصیلات سامنے آنے کے بعد سب حیران و دنگ رہ گئے ہیں۔
انٹرنیشنل میڈیا کے مطابق افغانستان کرکٹ بورڈ اور ابوظہبی کرکٹ حکام کے درمیان پانچ سالہ معاہدے پر دستخط ہوگئے جس کے تحت 2025ء سے2029ء تک افغانستان کرکٹ ٹیم کے کیمپس اور ہوم میچز ابوظہبی میں ہوں گے۔ معاہدے کے تحت اے سی بی متحدہ عرب امارات کے مختلف اسٹیڈیمز میں سینئر ٹیم کی دو طرفہ سیریز کا انعقاد جاری رکھے گا جبکہ افغان کرکٹ بورڈ کو بین الاقوامی سطح پر اپنی سرگرمیوں کو وسعت دینے اور کھلاڑیوں کی تربیت کے لیے بھی معاونت فراہم کی جائے گی۔
