قومی ہاکی ٹیم کے کھلاڑی تاحال ڈیلی الائونس کے منتظر

لاہور(سپورٹس ڈیسک) قومی ہاکی ٹیم کے کھلاڑی تاحال ڈیلی الائونس کے منتظر ہیں؟ ان کو تاحال ڈیلی الائونس کیوں نہیں ملا؟ اس حوالے سے چونکا دینے والی تفصیلات منظر عام پر آگئی ہے۔

تفصیلات کے مطابق ذرائع نے بتایا ہے کہ ڈیلی الاؤنس کے معاملے پر اب تک پیشرفت نہیں ہوسکی ہے اور فیڈریشن کے عہدیداران نے جواب دینا بھی بند کردیا ہے۔ ذرائع کا بتانا ہے کہ اب کھلاڑیوں کے صبر کا پیمانہ لبریز ہونے لگا ہے اور وہ جواب نہ ملنے پر شدید غصے میں ہیں، فی کھلاڑی کے تقریبا 5 ،5 لاکھ روپے واجب الادا ہیں۔ ذرائع نے مزید بتایا کہ کھلاڑیوں کو انٹرنیشنل 30 ہزار روپے اور ڈومیسٹک 3 ہزار روپے ڈیلی الاؤنس ملتا ہے۔ ذرائع کے مطابق ایف آئی ایچ نیشنز کپ کے دوران انٹر نیشنل ڈیلیز ادا نہ ہو ئیں جب کہ اسلام آباد میں 2 مرحلوں میں لگائے جانے والے کیمپس کی بھی ڈیلیز نہیں ملیں۔