اسلام آباد(سپورٹس ڈیسک) وزیر اعظم پاکستان شہباز شریف نے سہ ملکی ٹی ٹوئنٹی کرکٹ سیریز میں شریک ٹیموں کے اعزاز میں ظہرانہ دیاجس میں تینوں ٹیمو ں کے کھلاڑیوں نے شرکت کی۔
تفصیلات کے مطابق وزیراعظم کا کہنا تھا کہ پا کستان میں بین الاقوامی کرکٹ کا مسلسل انعقاد ملک میں امن و استحکام کا ثبوت ہے۔ ان کا کہنا تھا کہ سری لنکا اور زمبابوے کی کرکٹ ٹیموں نے پاکستان میں ہونے والی سہ ملکی سیریز میں شرکت کر کے جس جذبے، مہارت اور لگن مظاہرہ کیا، وہ داد کے قابل ہے۔پی سی بی چیئر مین محسن نقوی کی سربراہی میں سیریز کے انتظامات مثالی ہیں۔ ظہرانے میں وزیر اعلیٰ سندھ سید مراد علی شاہ، وزیر داخلہ و چیئرمین پی سی بی سید محسن رضا نقوی، وفاقی وزیر اطلاعات و نشریات عطا اللہ تارڑ، وفاقی وزیر ریلویز محمد حنیف عباسی، سری لنکن ہائی کمشنر ریئر ایڈمرل فریڈ سینیویراتھنے اور زمبابوے کے ہائی کمشنر ٹائیٹس ابو بسوتو بھی شریک تھے۔
