یوٹیوب شارٹس نئے فیچز کو آزمانے کے لئے کونسی تبدیلی لائے گا؟
ویڈیو اسٹریمنگ پلیٹ فارم یوٹیوب شارٹس نئے فیچز کو آزمانے والا ہے، جس سے اب کوئی بھی شارٹ ویڈیو دیکھنے کے دوران سیو کی جاسکے گی
لاہور(ٹیکنالوجی ڈیسک)یوٹیوب شارٹس نئے فیچز کو آزمانے کے لئے کونسی تبدیلی لائے گا؟اس حوالے سے نئی اپ ڈیٹس سامنے لائی گئی ہیں۔ ویڈیو اسٹریمنگ پلیٹ فارم یوٹیوب شارٹس نئے فیچز کو آزمانے والا ہے، جس سے اب کوئی بھی شارٹ ویڈیو دیکھنے کے دوران سیو کی جاسکے گی۔ نئے سیو کے بٹن کی آزمائش سے صارفین باآسانی ایپ میں اپنے پسندیدہ کلپ تک واپس پہنچ سکیں گے۔
میڈیا رپورٹس کے مطابق یوٹیوب کے موجودہ ورژن میں شارٹس ویڈیو پلیئر پر لائیک اور ڈِس لائیک کا بٹن موجود ہے، لیکن نئے فیچر میں ڈس لائک کا بٹن ختم کرنے کا اعلان کیا گیا ہے تاکہ اس کی جگہ سیو والا بٹن لگایا جاسکے۔ تاہم، سیو بٹن کے آنے کے ساتھ ہی کمپنی شارٹس کے یوزر انٹرفیس سے ناپسند کرنے والا بٹن ہٹا دے گی، اور ڈِس لائیک بٹن کو اب انٹرفیس کی دائیں طرف اوپر کی جانب تین نقطوں والے مینو میں رکھا جائے گا۔
یوٹیوب نے صارفین کی آسانی کے لیے یہ فیچر متعارف کرایا ہے، اس سے قبل اگر صارفین کوئی شارٹ ویڈیو دیکھ لیتے تھے تو اس کو دوبارہ ڈھونڈنا انتہائی مشکل ہوجاتا تھا۔ کمپنی صارفین کی آسانی اور اپنے پلیٹ فارم کو آسان اور یوزر فرینڈلی بنانے کے لیے نئی اپڈیٹس کرتی رہتی ہے۔ تاہم، اس اپڈیٹ سے صارفین کو کافی آسانی ہوگی۔
