اسمارٹ فونز اورسیٹلائٹ فونز میں کیا فرق ہے؟ ایک زبر دست انفارمیشن جو آپ کے علم میں اضافہ کردے گی

لاہور(کھوج نیوز)اسمارٹ فون اور سٹیلا ئٹ فون ہیں کیا اور ان میں بنیادی فرق کیا ہے؟ اسمارٹ فون اور سیٹلائٹ فون دونوں ہی جدید مواصلاتی ذرائع ہیں لیکن ان دونوں کے کام کرنے کا طریقہ مختلف ہے۔

اسمارٹ فونز عام طور پر ٹیلیفون ٹاورز اور انٹرنیٹ نیٹ ورکس کے ذریعے کام کرتے ہیں۔ کال کرنے، پیغام بھیجنے اور انٹرنیٹ استعمال کرنے کیلیے نیٹ ورک کا ہونا ضروری ہے۔ اگر نیٹ ورک کوریج نہ ہو تو اسمارٹ فونز کام نہیں کرتے۔ جب کہ اس کے بر عکس سیٹلائٹ فون ٹیلی کام ٹاورز کے بجائے زمین کے اوپر موجود سیٹلائٹس سے براہِ راست جڑتا ہے۔ اس کو استعمال کرنے کیلیے نیٹ ورک ٹاور کی ضرورت نہیں ہوتی۔ سیٹلائٹ فونز ایسے مقامات پر بھی استعمال کیے جا سکتے ہیں جہاں کوئی ٹیلی کام نیٹ ورک دستیاب نہ ہو جیسے گھنے جنگلات، صحرا، پہاڑی علاقوں اور سمندر میں۔

اب آپ کے ذہن میں یہ ہو گا کہ سیٹلائٹ فونز کام کیسے کرتے ہیں تو آئیے آپ کو بتا تے ہیں یہ کام کیسے کر تے ہیں؟ سیٹلائٹ فونز میں ایک خاص اینٹینا ہوتا ہے جو براہِ راست سیٹلائٹس سے رابطہ کرتا ہے۔ جب آپ کال کرتے ہیں یا پیغام بھیجتے ہیں تو یہ سگنل براہِ راست سیٹلائٹ تک پہنچتا ہے۔ اس کے بعد یہ سگنل دوسرے سیٹلائٹ یا زمینی اسٹیشن کے ذریعے وصول کنندہ تک پہنچایا جاتا ہے۔ یہ عمل عام موبائل نیٹ ورک کے مقابلے میں زیادہ وقت اور توانائی لیتا ہے۔ سیٹلائٹ فونز کا ایک فائدہ یہ بھی ہے کہ یہ کہیں بھی کام کرتا ہے، یہ ان دور دراز علاقوں میں بھی استعمال کیا جا سکتا ہے جہاں نیٹ ورک دستیاب نہ ہو۔
اس کے علاوہ ہنگامی مواصلات قدرتی آفات جیسے زلزلے یا سیلاب کے دوران انتہائی مفید ہے۔سیٹلائٹ فونز سیکیورٹی کے مقاصدیہ فوجی، ریسکیو اور دیگر حفاظتی آپریشنز میں استعمال ہوتا ہے۔

ان سیٹلائٹ فونز کی قیمت زیادہ ہوتی ہے، یہ بھاری اور لے جانے میں مشکل ہوتے ہیں۔ اس کے علاوہ کئی ممالک میں سیکیورٹی وجوہات کی بنا پر ان کے استعمال پر پابندی بھی عائد ہے۔