برطانیہ (مانیٹرنگ ڈیسک) گوگل کروم کو فوری اپ ڈیٹ کریں ورنہ……؟اگر آپ گوگل کروم ویب برازر استعمال کرتے ہیں تو صارفین فوری طور پر اسے اپ ڈیٹ کرلیں۔
انٹرنیشنل میڈیا کے مطابق گوگل کی جانب سے دنیا کے مقبول ترین ویب برازر میں موجود ایک بڑی سکیورٹی خامی دور کرنے کے لیے اپ ڈیٹ جاری کی گئی ہے۔ خیال رہے کہ دنیا بھر میں انٹرنیٹ استعمال کرنے والے 50 سے 60 فیصد افراد برازنگ کے لیے گوگل کروم کو ترجیح دیتے ہیں، تو اس میں موجود سکیورٹی کمزوری بہت بڑا خطرہ ثابت ہوسکتی ہے۔ گوگل کی جانب سے جاری سکیورٹی ایڈوائزری کے مطابق کروم ورژن 8 کے جاوا اسکرپٹ اور ویب اسمبلی انجن میں موجود سکیورٹی خامی کے لیے اپ ڈیٹ جاری کی گئی ہے۔
گوگل نے بتایا کہ CVE-2025-13223 نامی سکیورٹی بگ سے صارفین کو خطرہ لاحق ہے۔ اس کے ذریعے ہیکرز ایچ ٹی ایم ایل پیج کو استعمال کرکے ڈیٹا تک رسائی حاصل کرسکتے ہیں۔ اس سکیورٹی خامی کو گوگل کے تھریٹ اینالیسز گروپ کے ایک محقق نے دریافت کیا تھا۔
کمپنی نے اس بارے میں اضافی تفصیلات جاری نہیں کیں۔ عموما گوگل کروم خودکار طور پر اپ ڈیٹ ہوجاتا ہے اگر آپ کو معلوم نہیں کہ برازر اپ ڈیٹ ہوچکا ہے یا نہیں تو تھری ڈاٹ مینیو پر کلک کرکے سیٹنگز میں جائیں۔ وہاں اباٹ کروم پر کلک کریں جو پیج کے بائیں جانب سب سے نیچے ہوگا۔ اس کے بعد کروم کی جانب سے بتایا جائے گا کہ برازر اپ ٹو ڈیٹ ہے، اگر نہیں ہوگا تو وہ اپ ڈیٹ ہونا شروع جائے گا۔
