برطانیہ (مانیٹرنگ ڈیسک) اوپن اے آئی کے چیف ایگزیکٹو سام آلٹمین کے اعلان کے بعد آرٹی فیشل انٹیلی جنس (اے آئی) ٹیکنالوجی پر مبنی ڈیوائس کب مارکیٹ میں آئیگی؟ تاریخ فائنل ہو گئی ۔
انٹرنیشنل میڈیا کے مطابق سام آلٹمین نے بتایا کہ یہ ڈیوائس 2 سال سے کم وقت میں دستیاب ہوگی۔ انہوں نے کہا کہ موجودہ عہد کی بیشتر ڈیوائسز اور ایپس آئی فون جیسی کامیابی حاصل نہیں کرسکے۔ انہوں نے بتایا کہ ان کی ڈیوائس ایسی ہوگی جو آپ ناپسند نہیں کریں گے بلکہ اسے علم ہوگا کہ کب تفصیلات پیش کرنی ہیں۔
ان کا کہنا تھا کہ اس ڈیوائس کو آپ کی پوری زندگی کے بارے میں حیران کن آگاہی حاصل ہوگی۔ جونی آئیو نے بتایا کہ انہیں بہت زیادہ ذہین اور جامع ڈیوائسز سے محبت ہیں جن کو آپ چھونا پسند کریں گے۔ ابھی یہ تو واضح نہیں کہ اس ڈیوائس کا ڈیزائن کیسا ہوگا مگر مختلف لیکس کے مطابق وہ دیکھنے میں آئی پوڈ شفل کی طرح ہوسکتی ہے۔
جونی آئیو اور سام آلٹمین کی مشترکہ کمپنی آئی او یہ ڈیوائس تیار کرے گی، واضح رہے کہ اس کمپنی کو کچھ ماہ قبل اوپن اے آئی نے ساڑھے 6 ارب ڈالرز میں خرید لیا تھا۔ جونی آئیو کو پہلے آئی فون کے ڈیزائن کے لیے جانا جاتا ہے اور آئی او کمپنی فروخت کرنے کا اعلان کرتے ہوئے جوئی آئیو اور سام آلٹمین نے کہا تھا کہ ان کی ڈیوائسز اے آئی سے رابطے میں انقلاب برپا کریں گی۔
