پی ٹی آئی نے مخصوص نشستوں کی لسٹ الیکشن کمیشن میں جمع کروا دی

اسلام آباد (کھوج نیوز) تحریک انصاف نے مخصوص نشستوں کی فہرست الیکشن کمیشن میں جمع کرا دی، جن میں خواتین کی 67 اور 11 اقلیتی نشستیں جمع کروائی گئی فہرست کا حصہ ہے۔

تفصیلات کے مطابق پاکستان تحریک انصاف (پی ٹی آئی) نے الیکشن کمیشن آف پاکستان میں مخصوص نشستوں کی فہرست میں قومی اسمبلی سندھ، پنجاب اور خیبرپختونخوا اسمبلیوں کی مخصوص نشستیں شامل ہیں۔ پی ٹی آئی نے 67 خواتین اور11 اقلیتی نشستوں کی فہرست الیکشن کمیشن کو جمع کرائی ہے، صنم جاوید، عالیہ حمزہ، کنول شوزب، روبینہ شاہین اور سیمابیہ طاہر کو قومی اسمبلی کی مخصوص نشستوں کے لیے نامزد کیا گیا ہے۔ پی ٹی آئی کی طرف سے لال چند ملہی کا نام اقلیتی نشست کے لیے دیا گیا ہے، یاسمین راشد کا نام پنجاب اسمبلی کی مخصوص نشست کے لیے دیا گیا۔