بورڈ نتائج میں تاخیر کا معاملہ، آئی ٹی منیجر اور ناظم امتحانات عہدے سے فارغ

کراچی (کھوج نیوز) حیدر آباد انٹر بورڈ میں نتائج میں تاخیر کے معاملہ پر آئی ٹی منیجر اور ناظم امتحانات کو عہدے سے فارغ کر دیا گیا ہے اور اس حوالے سے ان دونوں کا نوٹیفکیشن بھی جاری کر دیا گیا ہے۔

تفصیلات کے مطابق آئی ٹی منیجر اور ناظم امتحانات کو عہدے سے ہٹانے کا باقاعدہ طور پر نوٹیفکیشن بھی جاری کردیا گیا ہے۔ نوٹیفکیشن کے مطابق چیئرمین انٹر بورڈ حیدرآباد نے آئی ٹی منیجر کا تبادلہ کردیا اور ناظم امتحانات کے اختیارات ڈپٹی سیکرٹری کو تفویض کر دیئے ۔ نوٹیفکیشن میں بتایا گیا ہے کہ دونوں افسران کو نتائج کی تیاری میں کوتاہی برتنے اور غیر سنجیدہ رویے پر ہٹایا گیا ہے جبکہ چیئرمین بورڈ نے نتائج میں تاخیر سے متعلق تین رکنی کمیٹی بھی قائم کردی ہے۔