ون ڈے سیریز،پاکستان اورآسٹریلیا کےدرمیان فیصلہ کُن میچ کل کھیلا جائے گا

پرتھ(سپورٹس ڈیسک) پاکستان اورآسٹریلیا کےدرمیان ون ڈے سیریزکا فیصلہ کُن میچ کل کھیلا جائے گا۔ آسٹریلیا کے خلاف دوسرا میچ جیتنے کے بعد پاکستان کرکٹ ٹیم کا اسکواڈ ایڈیلیڈ سے پرتھ پہنچ گیا جہاں کل دونوں ٹیمیں سیریز جیتنے کی کوشش کریں گی۔ تین میچوں کی سیریز کا یہ فیصلہ کُن میچ کل پاکستانی وقت کے مطابق صبح ساڑھے 8 بجے شروع ہو گا۔ سیریز کا پہلا میچ آسٹریلیا اور دوسرا پاکستان نے جیتا تھا۔ اس ون ڈے سیریز کے بعد دونوں ٹیموں کے درمیان 3 ٹی ٹوئنٹی میچز بھی کھیلے جائیں گے۔