سپریم کورٹ کے باہر فائرنگ، 2جج جاں بحق ایک شدید زخمی

تہران (مانیٹرنگ ڈیسک) ایران کے درالحکومت تہران میں دہشتگردی کا واقعہ سامنے آیا جہاں سپریم کورٹ کے باہر فائرنگ میں 2 جج جاں بحق جبکہ ایک شدید زخمی ہوگیا جبکہ مقدمہ درج کر لیا گیا ۔

انٹرنیشنل میڈیا کے مطابق حملے کی وجہ تاحال سامنے نہیں آسکیں، فائرنگ کا واقعہ سپریم کورٹ کے باہر پیش آیا جہاں 2 جج جاں بحق جبکہ ایک شدید زخمی ہوگیا۔ حملہ آور سپریم کورٹ کا ہی ملازم تھا۔ حملے کے بعد ملزم نے خودکشی کرلی۔ بیان میں کہا گیا کہ جاں بحق ہونے والوں کی شناخت سپریم کورٹ کی برانچ 39 کے سربراہ حجت الاسلام علی رازنی اور برانچ 53 کے سربراہ حجت الاسلام محمد مقیس کے نام سے کی گئی ہے۔ بیان میں کہا گیا کہ آج صبح سپریم کورٹ میں ایک مسلح حملہ آور نے قومی سلامتی، جاسوسوں اور دہشت گردی کے خلاف جرائم سے لڑنے کی طویل تاریخ رکھنے والے دو بہادر ججز کی ٹارگٹ کلنگ کی ہے، ابتدائی نتائج کے مطابق مذکورہ شخص سپریم کورٹ میں کسی بھی معاملے میں ملوث نہیں تھا اور نہ ہی وہ عدالت کی برانچز کا موکل تھا۔