پی ٹی آئی سے مذاکرات کا معاملہ، حکومت نے بلاول بھٹو کو بڑی ذمہ داری سونپ دی

اسلام آباد(کھوج نیوز) پاکستان تحریک انصاف سے مذاکرات کے معاملے پر حکومت نے چیئرمین پیپلز پارٹی بلاول بھٹو زرداری کو بڑی ذمہ داری سونپ دی جس کے بعد نئی بحث شروع ہو گئی۔

تفصیلات کے مطابق وزیراعظم شہباز شریف کے مشیر رانا ثنا اللہ نے کہا کہ اگر بلاول بھٹو زرداری تحریک انصاف سے اجلاس میں شرکت کی یقین دہانی حاصل کرلیں تو قومی سلامتی کمیٹی کا اجلاس دوبارہ بلانے میں کوئی حرج نہیں ہے۔ رانا ثنا کا کہنا تھا کہ بلاول بھٹو زرداری خود حکومت میں ہیں اگر پی ٹی آئی اور حکومت کے درمیان مذاکرات میں کامیاب ہوجاتے ہیں تو یہ ہماری ہی کامیابی ہوگی۔