ملک میں جانوروں کی قلت ،حکام کی حرکت

کراچی(کھوج نیوز)ملک میں جانوروں کی قلت کا خدشہ پیدا ہوگیا، اینیمل ہسبنڈری کمشنر نے جانوروں کے غیرقانونی ذبح کا نوٹس لے لیا۔ کمشنر نے پنجاب اور سندھ کے چیف سیکریٹریز کو خط لکھ کر تین سال سے کم عمر کے بیل اور بھینسوں کا ذبح سے روکنے کی ہدایت کی ہے۔اینیمل ہسبنڈری کمشنر نے خط میں لکھا کہ بھینسوں اور بیل کی قابل استعمال عمر 10 سال تک ہے اس سے کم عمر کے جانوروں کو ذبح ہونے سے روکا جائے۔خط میں مزید لکھا ہے کہ ڈیڑھ سال سے کم عمر بکری اور بھیڑوں کا ذبح بھی روکا جائے، بکریوں اور بھیڑوں کی قابل استعمال عمر 4 سال تک ہے اس سے پہلے ان کو ذبح نہ کیا جائے۔