بچوں کے لیے تفریحی و تعلیمی سرگرمیوں کا انعقاد
والڈ سٹی لاہور کے زیر اہتمام بچوں کے لیے قصہ کہانی ایونٹ کا انعقاد،اس ایونٹ میں 600سے زائد بچوں نے شرکت کی
لاہور (کھوج نیوز)والڈ سٹی آف لاہور اتھارٹی کے زیر اہتمام تاریخی قلعہ لاہور میں قصہ کہانی کے نام سے بچوں کے لیے ایک ایونٹ کا انعقاد کیا گیا ۔ اس ایونٹ میں 600 سے زائد بچوں نے شرکت کی۔ اس تقریب میں کہانی سنانے کے سیشنز، شاہی اور علاقائی فینسی ڈریس ڈسپلے، مٹی کے برتن بنانے، پینٹنگ، خطاطی، خاکہ نگاری کی ورکشاپس، اور مغل تاریخ اور پنجاب کے افسانوں کو دریافت کرنے والے کوئزز کا ایک خوشگوار امتزاج پیش کیا گیا۔
اس کے علاوہ بچوں کو کٹھ پتلی شو، بندر تماشا اور روایتی منی سنیما کی دلکشی نے محور کیا گیا۔ پزل حل کرنے والے کھیل بھی بچوں کو تفریح اور چیلنج کرتے رہے۔ خاندانوں نے بچوں کے سیکھنے کے تجربات اور ثقافتی بیداری کو بڑھانے کے لیے اس طرح کے مزید ایونٹس کی اہمیت پر زور دیتے ہوئے اس اقدام کی تعریف کی۔
ڈپٹی ڈائریکٹر مارکیٹنگ والڈ سٹی آف لاہور اتھارٹی ، ثمینہ خان نے کہا کہ ، ‘قصہ کہانی’ ایونٹ میں بچوں کی خوشی اور شمولیت کو دیکھ کر اس طرح کے اقدامات کی اہمیت کو تقویت ملتی ہے۔ اس طرح کی تقریبات اگلی نسل کو تاریخ اور ثقافت کے ساتھ جوڑتی ہیں اور ان میں پینٹنگز ، خطاطی جیسے فنون میں دلچسپی پیدا کرنے کی وجہ بنتی ہیں ۔
اس موقع پر ڈائریکٹر جنرل کامران لاشاری نے زور دے کر کہا ہے کہ یہ اقدام نوجوان نسل کے لیے ورثے کو زندہ کرنے کے لیے ہمارے وژن کی عکاسی کرتا ہے۔ تاریخ کو دلچسپ اور قابل رسائی بنا کر اپنے بچوں میں فخر اور تعلق کا احساس پیدا کرنا ضروری ہے۔ قصہ کہانی جیسی سرگرمیوں کا انعقاد ہماری ثقافتی وراثت کے بارے میں گہری تفہیم اور تعریف کی راہ ہموار کرتے ہیں۔
