بجلی چوروں کے خلاف بڑا ایکشن ، فہرستیں تیار

لاہور (کھوج نیوز )لاہور الیکٹرک سپلائی کمپنی حکام کے مطابق بجلی چوروں اور ناد ہند گان کی فہرستیں تیار کر لی ہیں ۔نادہندگان صارفین پرایک کروڑ روپے سے زائد کے بل ہیں، بجلی چوری والے علاقوں میں دور دراز کے سرحدی اور دیگر علاقے بھی شامل ہیں۔لیسکو حکام کا کہنا ہے کہ چوری میں قصور،مریدکے، اوکاڑہ، پھول نگر، پتوکی، نارنگ اور دیپالپور سرفہرست ہیں، بجلی چوروں کو مقامی بااثرشخصیات کی پشت پناہی حاصل ہے۔

حکام کے مطابق دیہی علاقوں میں لائن لاسز 20 سے 45 فیصد پائے گئے ہیں، بجلی چوروں کے خلاف بلا امتیاز اور شفاف کارروائی کی جائیگی۔اس سے قبل لاہور میں دو ملوں میں بجلی چوری پکڑی گئی تھی اور ما لکان کو ایک ارب سے زائد کا جرمانہ کیا گیا تھا۔