عوام کی جان و مال کے تحفظ کے لیے شہر میں دفعہ 144نافذ،خلاف ورزی کرنے والوں کے خلاف سخت کارروائی کا حکم

وزیر ستان(کھوج نیوز)خیبر پختونخوا کے قبائلی ضلع جنوبی وزیرستان میں عوام کی جان و مال کی تحفظ اور امن برقرار رکھنے کے لیے28مارچ سے 5 اپریل تک دفعہ 144 نافذ کردی گئی۔

ڈپٹی کمشنر جنوبی وزیرستان کا کہنا ہے کہ عوام کی جان و مال کے تحفظ اور امن برقرار رکھنے کے لیے ضلع بھر میں 28مارچ سے 5 اپریل تک کے لیے دفعہ 144 نافذ کردی گئی ہے۔انھوںنے کہا کہ چاند رات پر ہوائی فائرنگ، ون ویلنگ پر مکمل پابندی عائد کرکے نوٹی فکیشن جاری کردیا گیا، جبکہ گاڑیوں میں کالے شیشے استعمال کرنے، ڈبل سواری اور اسلحہ کی نمائش پر بھی پابندی عائد ہوگی۔

ڈی سی کا کہنا تھا کہ دفعہ 144 کی خلاف ورزی کرنے والوں کے خلاف سیکشن 188 کے تحت قانونی کارروائی ہوگی، عوام سے درخواست ہے کہ انتظامیہ اور سیکیورٹی اداروں سے تعاون کریں۔