نگرنگرسے
ڈکیتی کے دوران فائرنگ سے حاملہ خاتون جاں بحق
کراچی کے علاقے سائٹ سپر ہائی وے پر ڈکیتی کے دوران ملزمان کی فائرنگ سے حاملہ خاتون جاں بحق ہوگئی
کراچی(کھوج نیوز)پولیس کے مطابق سائٹ سپر ہائی وے فقیرا گوٹھ پریشان چوک کے قریب موٹر سائیکل پر سوار میاں بیوی پر 2 مسلح ڈاکوں نے دوران ڈکیتی فائرنگ کی جس کے نتیجے میں خاتون جاں بحق ہوگئی۔پولیس ذرائع کا بتانا ہے کہ مقتولہ حاملہ تھی جس کی شناخت 25 سالہ صائمہ زوجہ عرفان کے نام سے ہوئی ہے۔
پولیس نے ڈکیتی کے دوران حاملہ خاتون کے قتل میں ملوث ڈاکوں کی گرفتاری کیلئے اطراف میں لگے کیمروں کی فوٹیج اور جیو فینسنگ کے حصول سمیت تفتیش کا دائرہ کار وسیع کردیا ہے۔
