پنجاب کے کلچر ڈے پر کمشنر لاہور زید بن مقصود کا خصوصی پیغام

لاہور(کھوج نیوز) آج پنجاب بھر میں پنجاب کلچر ڈے جوش و خروش سے منایا جا رہا ہے ۔اس موقع پر کمشنر لاہور زید بن مقصود نے پیغام دیتے ہوئے کہا کہ
پنجاب کی ثقافت دلوں میں گھر کرنے والی ہے انھوں نے کہا کہ کلچر ڈے سے نئی نسل کو اپنی ارضی روایات اور اسلاف کے طرز زندگی سے تعارف حاصل ہوتا ہے۔کمشنر لاہور زید بن مقصود کا کہنا تھا کہ پگ پنجاب کی ثقافت کی قابل فخر علامت ہے جو خودادری اور وسعت کی پہچان ہے۔لباس ثقافت کا ظاہر ہے۔ثقافتی دن کی نسبت سے قابل فخر روایات کا تذکرہ اور ان پر عمل ضروری ہے۔

کمشنر لاہور زید بن مقصود کا کہنا تھا کہ پنجاب کی ثقافت پنجابی زبان کے خوبصورت اور متنوع لہجوں سے مزین ہے۔ان کا کہنا تھا کہ پنجاب کی ثقافت نے تاریخ کا طویل سفر طے کیا ہے۔اپنے دامن میں باہمی بقائے حیات۔امن اور ترقی کو سموئے ہوے ہیں۔پنجاب ثقافت اولیا ،تصوف اور پنجابی صوفیانہ شاعری کی شہرہ آفاق قبولیت سے مزین ہے۔