پشاور (کھوج نیوز) کوہستان میں اربوں روپے کی میگا کرپشن کا انکشاف ہوا ہے ، قومی احتساب بیورو (نیب) نے کارروائی کرتے ہوئے ماسٹر مائنڈ کو گرفتار کر کے کارروائی شروع کر دی ہے۔
تفصیلات کے مطابق احتساب بیورو (نیب) نے قیصر اقبال کے گھر سے ایک ارب 60 کروڑ روپے ملے تھے۔ رقم پینٹ کے ڈبوں میں چھپائی گئی تھی جس کی نشاندہی انکی گرفتار اہلیہ نے کی ۔ نیب کے مطابق قیصر اقبال سی اینڈ ڈبلیو ڈپارٹمنٹ اپر کوہستان میں اگست 2013 سے بطور کلرک اور بعد میں ہیڈ کلرک تعینات رہے۔ اس دوران انہوں نے مبینہ طور پر جعلی دستاویزات تیار کر کے سرکاری خزانے سے رقم غیر قانونی طور پر نکالنے میں مرکزی کردار ادا کیا۔ ذرائع کے مطابق اربوں روپے قیصر اقبال کی اہلیہ اور ایک کنٹریکٹر ممتاز کے اکانٹس میں منتقل کیے گئے جبکہ متعدد بااثر شخصیات کو بھی اس اسکینڈل سے فائدہ پہنچانے کے الزامات سامنے آئے ہیں۔
