کراچی (کھوج نیوز) شہر قائد کراچی میں منوڑہ کا سمندر 5افراد کی جان نگل گیا ہے، یہ افسوسناک واقع کیسے پیش آیا اور کتنی لاشیں نکال لی گئی ہیں؟ افسوسناک تفصیلات منظر عام پر آگئی ہیں۔
تفصیلات کے مطابق کراچی میں منوڑہ کے ساحل پر نہاتے ہوئے 5 افراد ڈوب گئے، واقعے کی اطلاع ملتے ہی ریسکیو اہلکاروں نے ان کی تلاش شروع کردی جن میں سے 2 افراد کی لاشیں نکال لی گئیں۔ ریسکیو حکام کا بتانا ہے کہ ڈوبنے والے دیگر 3 افراد کو بھی بیہوشی کی حالت میں نکال لیا گیا ہے اور انہیں طبی امداد کے لیے اسپتال منتقل کیا گیا ہے۔ ریسکیو کے مطابق اس حوالے فوری طورپر یہ تصدیق نہیں ہوسکی ہے کہ ان پانچوں افراد کا تعلق ایک ہی خاندان سے ہے یا نہیں۔
