رمضان المبارک میں توانائی سے بھرپور سحری کیسے کی جائے ؟ماہرین نے بتا دیا
ماہرین کا کہنا ہے انسان کے لیے سحری کرنا بہت ضروری ہے اور اگر سحری نہ کی جائے تو انسان پورا دن صحت مند نہیں رہے سکتا
لاہور(کھوج نیوز )رمضان لمبارک میں سحری کرنے سے انسان جسمانی طور پر بہت سی بیماریوں سے بچ سکتا ہے اور یہ انسان کے لیے انتہائی زیادہ مفید ہے لیکن یہ فائدہ نقصان میں بھی بدل سکتا ہے اگر انسان سحری میں صحت کا خیال نہ رکھے ۔سحری میں صحت کا خیال رکھنے کے لیے درج ذیل تدابیر اختیار کی جا سکتی ہیں:
متوازن غذا کھائیں
پروٹین سے بھرپور کھانے (انڈے، دالیں، دہی )کا استعمال کریں تاکہ دن بھر توانائی ملے۔
فائبر والی غذائیں (چکی کا آٹا، دلیہ، پھل، سبزیاں) کھائیں تاکہ ہاضمہ درست رہے اور پیاس کم لگے۔
زیادہ نمکین اور مصالحے دار کھانے سے پرہیز کریں تاکہ پیاس نہ بڑھے۔
مناسب مقدار میں پانی پینا چاہیے
سحری میں کم از کم 2-3 گلاس پانی پی لیں تاکہ دن میں پانی کی کمی نہ ہو۔
کیفین (چائے، کافی) سے گریز کریں کیونکہ یہ جسم میں پانی کی کمی کر سکتی ہے۔
زیادہ چکنائی اور جنک فوڈ سے بچیں
تلی ہ ہوئی چکنائی والی چیزیں (پراٹھا، پکوڑے) کم کھائیںکیونکہ یہ معدے پر بوجھ ڈال سکتی ہیں۔
شوگر والی چیزوں (میٹھے مشروبات، کیک، پیسٹری) سے بچیں کیونکہ یہ فوری توانایی دیتی ہیں لیکن بعد میں بھوک بڑھا سکتی ہیں۔
آرام دہ اور مکمل سحری کریں
جلدی جلدی کھانے کے بجائے سکون سے کھائیں تاکہ کھانے کا صحیح فائدہ مل سکے۔
آخری وقت میں سحری کریں تاکہ زیادہ دیر تک توانائی برقرار رہے۔
سحری کرنے کے بعد ہلکی ورزش یا چہل قدمی کریں
کھانے کے فورا بعد لیٹنے کے بجائے تھوڑی دیر چہل قدمی کریں تاکہ کھانا ہضم ہو سکے۔
