ترکیہ کو یورپی یونین سے کتنی تواقعات ہیں؟ طیب اردوان نے سب واضح کر دیا

ترکیہ(مانیٹرنگ ڈیسک) ترکیہ کو یورپی یونین سے کتنی تواقعات ہیں؟ ترکیہ کے صدر رجب طیب اردوان نے سب واضح کر کے دنیا بھر میں سنسنی پھیلا کر رکھ دی ہے۔

انٹرنیشنل میڈیا کے مطابق ترک پارلیمان کے اجلاس سے خطاب میں صدر ردوان کا کہنا تھا کہ آج انقرہ میں دہشت گردی کرنے والے اپنے عزائم میں ناکام ہوگئے، پولیس کی بروقت کارروائی سے حملہ آور مارے گئے، شہر میں دہشت گردی کی یہ آخری لہر ہے، ترکیہ دہشت گردی کے خلاف کوششیں جاری رکھے گا، دہشت گرد کبھی اپنے عزائم میں کامیاب نہیں ہوسکتے۔ ترک صدر کا کہنا تھا کہ نئے پارلیمانی سیشن کے لیے نیا آئین ترجیح ہے، ترکیہ مہنگائی کے خلاف کوششیں جاری رکھے گا، ترکیہ کی ترقی کے لیے بہت کام کیا گیا ہے، اب ہم ایسے ملک میں نہیں رہتے جہاں پارلیمان ختم کرکے بغاوت کی جائے، ہماری ذمہ داری ہیکہ شہری نئے آئین کے لیے کام کریں۔ رجب طیب اردوان کا کہنا تھا کہ یورپی یونین اپنی غلطیاں خصوصا ویزہ معاملات میں غلطیاں درست نہیں کرتا تو یورپی یونین ہم سے کسی بھی قسم کی توقع کا حق کھو دیگا۔