برطانوی انتخابات میں مسلمان کے ووٹ کو خصوصی اہمیت، بڑے بڑے برج الٹنے کا امکان

برطانیہ (مانیٹرنگ ڈیسک) برطانیہ کے انتخابات میں مسلمانوں کے ووٹ کو خصوصی اہمیت حاصل ہے جبکہ برطانیہ کے دوسرے بڑے شہر برمنگھم میں سیاسی صورت حال تبدیل ہوگئی اور بڑے بڑے برج الٹ سکتے ہیں۔

تفصیلات کے مطابق پیری بار کے حلقے سے 24 سال سے رکن پارلیمنٹ بننے والے خالد محمود و دیگر امیدواروں نے کا کہنا تھاکہ پارلیمنٹ میں خدمات سرانجام دینے والوں کے خلاف محاذ بنانے والوں کو سوچنا چاہیے، اگر ایک آزاد امیدوار پارلیمنٹ میں پہنچ بھی گیا تو وہ کیا کرسکے گا۔ انہوں نے کہا کہ روزگار، صحت اور تعلیم کے مسائل کوئی بڑی پارٹی ہی حل کرسکتی ہے، غزہ کا مسئلہ کوئی بڑی پارٹی ہے حل کرسکتی ہے، جارج گیلووے نے ایم پی منتخب ہوکر کیا کرلیا؟

برمنگھم کے ہال گرین حلقے سے آزاد امیدوار شکیل افسر نے کہا کہ اس حلقے سے منتخب ہونے والوں نے ہمیشہ ہمیں نظر انداز کیا ہے، لیبر امیدوار کچھ کہہ نہیں سکتے، کچھ کہہ دیں تو ایک گھنٹے بعد ہی انھیں معافی مانگنی پڑتی ہے۔ پیری بار کے حلقے سے 24 برس سے پارلیمنٹ میں نمائندگی کرنے والے خالد محمود اور آزاد امیدوار بیرسٹر ایوب خان کے درمیان سخت مقابلہ متوقع ہے۔