چین نے دنیا کا سب سے بڑا ڈیم کہاں بنانے کی منظوری دی؟ بڑی خبر سامنے آگئی

چین (مانیٹرنگ ڈیسک) چین جو کہ اکثر اپنی تعمیرات سے دنیا کو حیران کرتا رہتا ہے اس مرتبہ چین نے دنیا کا سب سے بڑا ڈیم کہاں بنانے کی منظوری دی؟ اس حوالے سے بڑی خبر سامنے آگئی ہے۔

انٹرنیشنل میڈیا کے مطابق یہ سپر ڈیم تبت میں دریائے یارلنگ سانگبو پر تعمیر کیا جائے گا۔ اس ڈیم کی تعمیر پر 137 ارب ڈالرز خرچ ہونے کا امکان ہے اور اس طرح یہ زمین کا سب سے مہنگا تعمیراتی منصوبہ یا انفرا اسٹرکچر پراجیکٹ ثابت ہوگا۔ دریائے یارلنگ سانگبو سطح مرتفع تبت میں دنیا کے سب سے گہرے آبی درے میں بہتا ہے اور وہاں سے بھارت پہنچتا ہے جہاں اسے برہما پترا کے نام سے جانا جاتا ہے۔ بھارتی ریاستوں اورنا چل پردیش اور آسان سے گزرتا ہوتا یہ دریا بنگلادیش میں پہنچتا ہے اور وہاں خلیج بنگال میں گرتا ہے۔

اس منصوبے کے مکمل ہونے پر توقع ہے کہ سالانہ 300 ارب کلو واٹ گھنٹے کے قریب بجلی پیدا ہوسکے گی، اس کے مقابلے میں تھری گورجز ڈیم سے سالانہ 88.2 کلو واٹ گھنٹے بجلی پیدا ہوتی ہے۔ نئے ڈیم سے حاصل ہونے والی بجلی 30 کروڑ سے زائد افراد کی سالانہ ضروریات کے لیے کافی ہوگی۔ ڈیم کا یہ منصوبہ سب سے پہلے 2021 کے 5 سالہ منصوبے میں سامنے آیا تھا جب اسے سپر ڈیم قرار دیا گیا تھا اور اب اس کی تعمیر کی منظوری دی گئی ہے۔ اتنے بڑے پراجیکٹ کی تعمیر تکنیکی اور دیگر لحاظ سے چیلنجز سے بھرپور ہوگی۔ دریا سے ہائیڈرو پاور کے حصول کے لیے Namcha Barwa مانٹین میں ڈرل کرکے 20 کلومیٹر طویل 4 سے 6 ٹنلز تعمیر کرنا ہوگی تاکہ دریا کے 50 فیصد بہا کا رخ بدلا جاسکے۔