کابل (مانیٹرنگ ڈیسک) بھارت کا ایک اور گھنائونا چہرہ بے نقاب ہو گیا ہے جس کے بعد طالبان حکومت نے مودی سرکار کو کرارا جواب دیا ہے ، پورے بھارت میں کھلبلی مچ گئی ہے۔
انٹرنیشنل میڈیا کے مطابق ہریش کمار پر الزام ہے کہ وہ طالبان کے مخالفین سے ملاقاتیں کر رہے تھے اور انہیں منظم کرنے کی کوشش کر رہے تھے۔ میڈیا نے ذرائع کے حوالے سے بتایا کہ ہریش کمار کو ناپسندیدہ شخصیت قرار دیتے ہوئے 17 اگست کو کابل چھوڑنے کا حکم دیا گیا۔ ذرائع کے مطابق 16 اگست کو طالبان حکام نے بھارتی سفارتخانے کے عملے کو طلب کر کے ہریش کمار کی بے دخلی کے فیصلے سے آگاہ کیا۔ وہ اگلے دن دہلی روانہ ہوگئے۔ بھارتی سفارتخانے کی جانب سے اس حوالے سے تاحال کوئی تبصرہ سامنے نہیں آیا۔ ذرائع کے مطابق ہریش کمار کابل میں سابق افغان حکومت ختم ہونے کے بعد سے بھارتی سفارت کار اور انٹیلی جنس افسر کے طور پر تعینات تھے۔
