افغانستان (مانیٹرنگ ڈیسک) افغانستان میں طالبان حکومت نے ایک اور انوکھا فیصلہ سناتے ہوئے موسیقی کے درجنوں آلات ضبط کر کے ان کو جلا کر خاکستر کر دیا ہے۔
انٹرنیشنل میڈیا کے مطابق طالبان کے محکمہ امر بالمعروف و نہی عن المنکر نے بتایا ہے کہ افغان صوبے میدان وردک میں حالیہ ہفتوں کے دوران مقامی بازاروں سے ضبط کیے گئے درجنوں موسیقی کے آلات اور حقوں کو جلا دیا گیا۔ بتایا گیا کہ مجموعی طور پر 160 اشیاء جن میں ڈھولک، طبلے، رباب، ایک پیانو، ایم پی تھری پلیئرز، ٹیپ ریکارڈرز اور 15 حقوں کو شرعی احکامات کے مطابق نذر آتش کردیا گیا۔ افغان طالبان کے مطابق یہ اشیا موسیقی اور غیراسلامی سرگرمیوں کے فروغ کے لیے استعمال ہو رہی تھیں اور ان کی ضبطی اور ان کو نذرِ آتش کرنا ہماری پالیسی کا حصہ ہے جس کے تحت شہریوں کی ثقافتی اور سماجی سرگرمیوں پر سخت پابندیاں لگائی جا رہی ہیں۔
