جسٹس بابر ستار کا چیف جسٹس اسلام آباد ہائیکورٹ کو لکھے گئے خط کا متن سامنے آگیا

اسلام آباد (کھوج نیوز) اسلام آباد ہائیکورٹ کے جسٹس بابر ستار کی جانب سے چیف جسٹس اسلام آباد ہائی کورٹ جسٹس عامر فاروق کو لکھے گئے خط کا متن سامنے آگیا ہے۔

تفصیلات کے مطابق ذرائع نے بتایا ہے کہ جسٹس بابر ستار نے خط میں لکھا کہ سکبورٹی اسٹیبلشمنٹ کے ٹاپ آفیشل کا پیغام ملا کہ پیچھے ہٹ جاؤ، مجھے پیغام دیا گیا سرویلینس کے طریقہ کارکی اسکروٹنی سے پیچھے ہٹ جاؤ۔ ذرائع کے مطابق جسٹس بابر ستار نے لکھا کہ میں نے ایسے دھمکی آمیز حربے پرکوئی توجہ نہیں دی، میں نے یہ نہیں سمجھا کہ ایسے پیغامات سے انصاف کے عمل کو کافی نقصان پہنچنیکاخطرہ ہے۔ ذرائع کے مطابق خط میں لکھا گیا ہے کہ آڈیولیکس کیس میں خفیہ اور تحقیقاتی اداروں کو عدالت نے نوٹس کیے، متعلقہ وزارتیں، ریگولیٹری باڈیز، آئی ایس آئی، آئی بی، ایف آئی اے کو نوٹس کیے، عدالت نے پی ٹی اے اور پیمرا کو بھی نوٹس کیے تھے۔