چیف جسٹس لاہور ہائیکورٹ نے عدالتی لوٹ مار کو لگام ڈال دی

لاہور(کھوج نیوز) چیف جسٹس لاہور ہائیکورٹ نے عدالتی لوٹ مار کو لگام ڈال دی ‘ چیف جسٹس لاہور ہائیکورٹ جسٹس عالیہ نیلم نے اضافی اخراجات پر نوٹس لے لیاہے۔

تفصیلات کے مطابق رجسٹرار لاہور ہائیکورٹ کا کہنا تھا کہ چیف جسٹس لاہور ہائیکورٹ عالیہ نیلم کے اقدامات سے قومی خزانہ کو ایک ارب روپے کی بچت ہوئی۔رجسٹرار کے مطابق پنجاب کی تمام ماتحت عدالتوں میں ویڈیو لنک سے متعلق سماعت جاری ہے، ماتحت عدلیہ کے ججز کے پاس لیپ ٹاپ اور وائی فائی کی سہولت بھی موجود ہے لہذا ویڈیو لنک سے متعلق نئے آلات کی خریداری کی ضرورت نہیں۔ لاہور ہائیکورٹ کے رجسٹرار کا کہنا ہے کہ پنجاب کی ماتحت عدالتوں میں ویڈیو لنک کے لیے اضافی آلات کی خریداری کا نوٹیفکیشن واپس لے لیا گیا ہے، پنجاب کے سیشن ججز کے پاس پہلے سے ویڈیو لنک سسٹم ہیں۔